Yozuv — ўзбек матнини учала алифбо орасида тез ва аниқ ўгирадиган бепул онлайн восита.
Yozuv нима қила олади
- Олти йўналиш. Кириллдан лотинга, лотиндан кириллга, иккала ёзувдан янги лотинга ва янги лотиндан уларга.
- Ёзувни ўзи аниқлайди. Матнни жойланг — Yozuv унинг қайси алифбода эканини топади. Нотўғри танланса, айтиб қўяди.
- Word, PDF ва TXT файллар. Word ҳужжатидаги шрифт, жадвал ва расмлар жойида қолади; натижани TXT, Word ёки PDF қилиб юклаб олинг.
- Расмий матнларда текширилган. Қоидалар ва луғат 5 миллиондан ортиқ сўзли қонун ҳужжатлари ва янгиликлар асосида синалган. Икки хил ёзилиши мумкин бўлган сўзлар сариқ ранг билан белгиланади.
- Махфий. Матн ва файллар фақат сизнинг браузерингизда ўгирилади ва ҳеч қаерга юборилмайди.
- Интернетсиз ишлайди. Бир марта очилгандан кейин интернет керак эмас; телефонга илова сифатида ўрнатиш мумкин.
- Word учун қўшимча. Ҳужжатни Word ичида бир тугма билан ўгиринг — ўрнатиш йўриқномаси.
Қандай фойдаланилади
- Матнни юқоридаги ойнага ёзинг ёки жойланг, ёхуд Word, PDF ёки TXT файлни ташланг.
- Қайси ёзувга ўгиришни танланг: кирилл, лотин (1995) ёки янги лотин (2026).
- Натижадан нусха олинг ёки файлни юклаб олинг. Сариқ сўзларга бир кўз югуртиринг.
Бепул ва Pro
Оддий фойдаланиш бепул: бир мартада 5 000 сўзгача матн ва 1 МБ гача файл. Катта ҳажмдаги иш учун Pro (ойига 19 000 сўм): 12 МБ гача файллар, 300 саҳифагача PDF ва бир мартада 20 тагача файл (битта .zip қилиб юклаб олинади). Pro ҳақида батафсил
Кирилл, лотин (1995) ва янги лотин (2026) ҳарфлари
| Кирилл | Лотин (1995) | Янги лотин (2026) |
|---|---|---|
| Ўў | Oʻ oʻ | Ö ö |
| Ғғ | Gʻ gʻ | Ğ ğ |
| Шш | Sh sh | Ş ş |
| Чч | Ch ch | Ç ç |
| Ққ | Q q | Q q |
| Ҳҳ | H h | H h |
| Хх | X x | X x |
| Жж | J j | J j |
| Йй | Y y | Y y |
| Ёё | Yo yo | Yo yo |
| Юю | Yu yu | Yu yu |
| Яя | Ya ya | Ya ya |
| Ээ | E e | E e |
| Ъъ | ʼ | ʼ |
Қолган ҳарфлар учала алифбода бир хил ўқилади. Кириллдаги Ц, Ъ, Ь ҳарфлари лотинда қоидага қараб ёзилади.
Кўп бериладиган саволлар
Бу бепулми?
Ҳа. Бир мартада 5 000 сўзгача матн ва 1 МБ гача файлни рўйхатдан ўтмасдан бепул ўгириш мумкин. Каттароқ файллар ва бир нечта файлни бирданига ўгириш учун Pro бор.
Матним хавфсизми?
Ҳа. Ўгириш сизнинг браузерингизда бажарилади: матн ҳам, файл ҳам серверга юборилмайди ва сақланмайди.
Бу таржимонми?
Йўқ. Yozuv тилни ўзгартирмайди, фақат алифбони: ўзбекча матн ўзбекчалигича қолади, фақат кирилл, лотин ёки янги лотин ҳарфларида ёзилади.
Янги лотин алифбосида қайси ҳарфлар ўзгарди?
Тўрт ҳарф: Oʻ → Ö, Gʻ → Ğ, Sh → Ş, Ch → Ç. Қолган ҳарфлар 1995 йилги лотин алифбосидагидек қолади. Батафсил: янги лотин алифбоси.
Нега баъзи сўзлар сариқ рангда?
Баъзи сўзларни қоиданинг ўзи билан аниқ ўгириб бўлмайди: масалан, кириллдаги ц лотинда s ёки ts бўлади (цирк → sirk, лицей → litsey). Луғатда йўқ бундай сўзлар сариқ билан белгиланади — уларни текшириб чиқинг ва керак бўлса қаламча тугмаси билан тузатинг.
Word ёки PDF файлни ўгирса бўладими?
Ҳа. Word (.docx) ҳужжати жойида ўгирилади: форматлаш, жадвал ва расмлар сақланади. PDF файлдан фақат матн олинади, натижа оддий матнли PDF, Word ёки TXT бўлади. Сканерланган PDF (расм) ўқилмайди.
Интернет бўлмаса ишлайдими?
Ҳа. Сайтни бир марта очганингиздан кейин у интернетсиз ҳам ишлайди. Телефонда уни илова сифатида ўрнатиб қўйиш мумкин.