Kirill yoki eski lotin (1995) matnini joylang — Yozuv uni yangi alifboga oʻgiradi.
Yangi alifboda nima oʻzgardi
Prezident 2026-yil 21-oktabrda lotin yozuviga asoslangan oʻzbek alifbosini takomillashtirish toʻgʻrisidagi qonunni imzoladi. Qonun rasmiy eʼlon qilingandan olti oy oʻtgach kuchga kiradi. Yangi alifboda 28 harf va tutuq belgisi (ʼ) bor.
| Kirill | Lotin (1995) | Yangi lotin (2026) | Misol |
|---|---|---|---|
| Ўў | Oʻoʻ | Öö | Oʻzbekiston → Özbekiston |
| Ғғ | Gʻgʻ | Ğğ | togʻ → toğ |
| Шш | Sh sh | Şş | shahar → şahar |
| Чч | Ch ch | Çç | choʻl → çöl |
Qolgan harflar oʻzgarmaydi. Ng endi alohida harf hisoblanmaydi, lekin yozilishi oʻsha-oʻsha: tong → tong.
Yangi harflarni qanday yozish mumkin
- Shu saytda: matn oynasi ostidagi harf tugmalari (Ö Ğ Ş Ç) bilan.
- Kompyuterda: turkcha (Turkish Q) klaviatura tartibini qoʻshing — unda ö, ğ, ş, ç tugmalari bor (Windows: Settings → Time & language → Language & region; Mac: System Settings → Keyboard → Input Sources).
- Telefonda: o, g, s yoki c harfini bosib turing — ö, ğ, ş, ç chiqadi.
- Tayyor matn boʻlsa: uni shu yerga joylang — Yozuv oʻzi oʻgiradi.
Qanday foydalaniladi
- Matnni yuqoridagi oynaga yozing yoki joylang, yoxud Word, PDF yoki TXT faylni tashlang.
- Qaysi yozuvga oʻgirishni tanlang: kirill, lotin (1995) yoki yangi lotin (2026).
- Natijadan nusxa oling yoki faylni yuklab oling. Sariq soʻzlarga bir koʻz yugurtiring.
Kirill, lotin (1995) va yangi lotin (2026) harflari
| Kirill | Lotin (1995) | Yangi lotin (2026) |
|---|---|---|
| Ўў | Oʻ oʻ | Ö ö |
| Ғғ | Gʻ gʻ | Ğ ğ |
| Шш | Sh sh | Ş ş |
| Чч | Ch ch | Ç ç |
| Ққ | Q q | Q q |
| Ҳҳ | H h | H h |
| Хх | X x | X x |
| Жж | J j | J j |
| Йй | Y y | Y y |
| Ёё | Yo yo | Yo yo |
| Юю | Yu yu | Yu yu |
| Яя | Ya ya | Ya ya |
| Ээ | E e | E e |
| Ъъ | ʼ | ʼ |
Qolgan harflar uchala alifboda bir xil oʻqiladi. Kirilldagi Ц, Ъ, Ь harflari lotinda qoidaga qarab yoziladi.
Koʻp beriladigan savollar
Yangi lotin alifbosi qachondan kuchga kiradi?
Qonun 2026-yil 21-oktabrda imzolandi va rasmiy eʼlon qilingandan olti oy oʻtgach kuchga kiradi.
Yangi alifboda qaysi harflar oʻzgardi?
Toʻrt harf: Oʻ → Ö, Gʻ → Ğ, Sh → Ş, Ch → Ç. Qolgan harflar 1995-yilgi alifbodagidek.
Eski lotin matnini yangi alifboga oʻgirsa boʻladimi?
Ha. Matnni joylang, “Qaysi yozuvga” qatoridan Özbek (yangi lotin) ni tanlang. Word hujjatini ham formatini buzmasdan oʻgirish mumkin.
Kirill matnini toʻgʻridan-toʻgʻri yangi lotinga oʻgirsa boʻladimi?
Ha, oraliq bosqichsiz: Ўзбекистон → Özbekiston, шаҳар → şahar.
Word hujjatini yangi alifboga qanday oʻgiraman?
Faylni shu sahifaga tashlang yoki Word uchun qoʻshimchani oʻrnating — Word ichida Lotin 2026 tugmasi paydo boʻladi.
Matnim xavfsizmi?
Ha. Oʻgirish sizning brauzeringizda bajariladi: matn ham, fayl ham serverga yuborilmaydi va saqlanmaydi.