Koʻp beriladigan savollar

Ha. Bir martada 5 000 soʻzgacha matn va 1 MB gacha faylni roʻyxatdan oʻtmasdan bepul oʻgirish mumkin. Kattaroq fayllar va bir nechta faylni birdaniga oʻgirish uchun Pro bor.

Yoʻq. Yozuv tilni oʻzgartirmaydi, faqat alifboni: oʻzbekcha matn oʻzbekchaligicha qoladi, faqat kirill, lotin yoki yangi lotin harflarida yoziladi.

Baʼzi soʻzlarni qoidaning oʻzi bilan aniq oʻgirib boʻlmaydi: masalan, kirilldagi ц lotinda s yoki ts boʻladi (цирк → sirk, лицей → litsey). Lugʻatda yoʻq bunday soʻzlar sariq bilan belgilanadi — ularni bir koʻrib chiqing.

Sariq soʻz yonidagi qalamcha tugmasini bosing va toʻgʻri yozilishini kiriting. Yozuv uni shu brauzerda eslab qoladi va keyingi safar shunday oʻgiradi. Xatoni muallifga ham yuborishingiz mumkin: natijadagi soʻzni belgilab, “Xato haqida xabar berish”ni bosing.

Standart boʻyicha oʻ, gʻ uchun maxsus belgi (ʻ) va tutuq uchun (ʼ) ishlatiladi — lex.uz dagidek. Kerak boʻlsa, natija ostidagi “Apostrof” menyusidan oddiy ' belgisini tanlang.

Qonun 2026-yil 21-oktabrda imzolandi va 2027-yil 22-apreldan kuchga kiradi. Batafsil: yangi lotin alifbosi.

Toʻrt harf: Oʻ → Ö, Gʻ → Ğ, Sh → Ş, Ch → Ç. Qolgan harflar 1995-yilgi lotin alifbosidagidek qoladi.

Ng endi alohida harf hisoblanmaydi, lekin soʻzlar oʻsha-oʻsha yoziladi: tong, ming. Alifboda 28 harf va tutuq belgisi bor.

Saytda matn oynasi ostidagi harf tugmalari bor. Kompyuterda turkcha (Turkish Q) klaviaturani qoʻshing — unda ö, ğ, ş, ç tugmalari bor. Telefonda o, g, s yoki c harfini bosib turing.

Ha. Word (.docx) hujjati joyida oʻgiriladi: formatlash, jadval va rasmlar saqlanadi. PDF fayldan faqat matn olinadi. Skanerlangan PDF (rasm) va eski .doc fayllar oʻqilmaydi.

Bepul: 1 MB gacha va 30 sahifagacha PDF. Pro: 12 MB gacha, 300 sahifagacha PDF va bir vaqtda 20 tagacha fayl.

Matn (TXT), Word (.docx) yoki PDF. Bir nechta faylni oʻgirsangiz, hammasi bitta .zip arxivda yuklanadi (Pro).

Yoʻq. Oʻgirish toʻliq brauzeringizda bajariladi: matn ham, fayl ham hech qayerga yuborilmaydi va saqlanmaydi. Maxfiylik siyosati.

Ha. Saytni bir marta ochganingizdan keyin u internetsiz ham ishlaydi. Telefonda brauzer menyusidan “Bosh ekranga qoʻshish”ni tanlab, ilova kabi oʻrnatib qoʻying.

Word lentasida “Yozuv” varagʻi paydo boʻladi: Кирилл, Lotin 1995, Lotin 2026 tugmalari bilan hujjatni formatini buzmasdan oʻgirasiz. Qoʻshimcha bepul va cheklovsiz.

Windows, Mac va brauzerdagi Word uchun qadamma-qadam yoʻriqnoma: Word uchun qoʻshimcha.

Cheklovsiz matn, 12 MB gacha fayl, 300 sahifagacha PDF va bir vaqtda 20 ta fayl. Hammasi oʻsha-oʻsha brauzeringizda. Batafsil.

Oyiga 19 000 soʻm yoki yiliga 149 000 soʻm (oyiga taxminan 12 400 soʻm).

Telegram botimiz @yozuvlar_app_bot orqali. Toʻlovdan keyin bot kalit yuboradi — uni saytdagi Pro oynasiga qoʻyasiz.

Yoʻq. Kalit muddati tugagach, Pro oʻz-oʻzidan toʻxtaydi va sayt bepul tarifga qaytadi. Hech narsa yoʻqolmaydi.